Ætteskjema - Vossaboka - Ny gards- og ættesoge for gamle Voss kommune

Voss bygdeboknemnd ynskjer at skjema med opplysningar vert sendt inn etter ein på førehand bestemt plan.

I denne omgang ynskjer me at dei som bur i området Ringheim gnr. 50 til Nesheim gnr. 80 skal senda inn skjema.

NB Nokre eigedomar under Ringheim: Lunden 34-38, Rognshagen 39-64 og eit par eigedomar i Rognsli kjem ikkje med no. Dei kjem i boka om sentrum..

Dei som bur på gardar med høgare gardsnummer må venta litt.

Nedanfor finn du eit nettbasert skjema for innsending. Du kan gjerne lasta ned skjemaet i pdf-format her (323.28 KB), for kladd og innsamling av informasjon.
Ynskjer du heller å levera på papir kan skjemaet sendast i posten til Voss bygdeboknemnd, Regimentsvegen 225, 5705 Voss. Skjemaet kan òg leverast direkte til kontaktperson eller på Voss Tinghus.

Voss bygdebok - skjema til innlevering

Eig Burettslag Leige

Person A

Viss Person A kjem frå Voss, fyll ut felta nedanfor:
Foreldre til Person A

Person B

Viss Person B kjem frå Voss, fyll ut felta nedanfor:
Foreldre til Person B

Viss A og B er gifte, skriv år:

Rettleiing til utfylling av skjema

– les gjerne denne før du fyller ut skjemaet.

Gards- og bruksnummer:
Alle gardar har eit gardsnummer, og alle eigdomar har eit bruksnummer. I det offentlege systemet er alle eigedomar ordna under eit gardsnummer, og nummereringa går frå 1 og oppover. Gardsnummeret er skrive først, framfor bruksnummeret.

Gards- og bruksnummer står på skøyte eller anna offentleg dokument. På nettstaden www.Vossakart.no kan du klikka på det området du bur i, og det vil koma opp eit gards- og bruksnummer. Viss det er vanskeleg å finna rett nummer, kan du levera skjemaet utan desse nummera.

Viss det er seksjonsnummer eller festenummer på bustaden, skriv det under tilleggsopplysningar.

Person A:
Dei kan vera mor, far, sambuarar, ektefeller eller einsleg person. Det har ikkje betydning kven av desse som er ført først på skjemaet.

Nokre har skifta namn ved inngått ekteskap. I desse tilfella skriv du jentenamn/gutenamn, dvs. namnet ein hadde før inngått ekteskap.

Person B:
Person B er ektefelle eller sambuar til person A.

Yrke:
Viss du har hatt fleire yrke, typar arbeid, skriv det viktigaste først.

Om oppvekst:
Viss person A/B voks opp utanfor Voss kommune, skriv namn på kommune eller bygd.

Viss person A/B voks opp i Voss kommune, skriv kva grend, område eller adresse, til dømes Haugamoen, Seimsfeltet, Hangursvegen og nummer.

Foreldre til A/B:
Viss foreldra bur/budde i Voss kommune, fyll ut feltet for dei. Viss foreldra bur/budde utanfor Voss kommune, så treng me ikkje opplysningar om dei.

Om born:
Skriv fullt namn på borna. Viss son/dotter har flytta frå heimen til anna bygd/ kommune, skriv namn på bygd/ kommune.

Viss son/dotter har flytta frå heimen til bustad i Voss kommune, skriv kva område eller adresse, til dømes Haugamoen, Palmafossen, Hangursvegen og nummer.

Viss son/dotter er gift/sambuar, skriv namn på ektemake/sambuar, eventuelt gifteår, yrke og kvar han/ho kom frå.

Tilleggsopplysningar:
Viss du har vore gift før, skriv namn på tidlegare ektemake og eventuelle born. Viss du har vore sambuar før og har born med han/ho, skriv namn på sambuar og born.

Skriv opplysningar om adopsjon og fosterborn. Slike opplysningar vert brukte berre i samråd med foreldre.

Viss familien har butt lengre tid annan stad i kommunen eller utanfor kommunen, skriv det her.

NB. Viss dine foreldre budde i Voss kommune, fyll ut eit eige skjema for dei. Viss dine besteforeldre budde i Voss kommune, fyll gjerne ut eit skjema for dei òg.